„ერთიანი ნაციონალური მოძრაობის“ დეპუტატები „თავისუფალი დემოკრატების“ გენერალური მდივნის, ალექსი პეტრიაშვილის დაჭრის ფაქტს ეხმაურებიან.

როგორც „ნაციონალური მოძრაობის“ წევრი მიხეილ მაჭავარიანი აცხადებს, ეს იმ პოლიტიკის შედეგია, რომელიც ბიძინა ივანიშვიმლა დაამკვიდრა.

„ესაა შემაძრწუნებელი და მძიმე დანაშაული. ვიმედოვნებ გამოძიება სწრაფად დასრულდება და არ ჩადგება იმ საქმეთა რიცხვში, რომელიც პოლიტიკური ოპონენტების წინააღდეგ ხორციელდება და გამოუძიებელი რჩება. ესაა იმ პოლიტიკის შედეგი, რომელიც ბიძინა ივაშვილმა დაამკვირდა“, - განაცხადა მიხეილ მაჭავარიანმა.

პარტიის კიდევ ერთი წევრის, სერგო რატიანის  თქმით, „ქართულმა ოცნებამ“ შექმნა გარემო, სადაც ოპონენტებზე თავდასხმა წახალისებულია.

„როცა მსგავსი ფაქტები ხდება, ნამდვილად შემაშფოთებელია. მაგრამ „ქართულმა ოცნებამ“ შექმნა გარემო, სადაც დანაშაული, ოპონენტებზე თავდასხმა წახალისებულია. ბევრი ასეთი ფაქტი დაგროვდა უკვე ბოლო 3 წლის განმავლობაში“, - განაცხადა სერგო რატიანმა.

ცნობისთვის,  დღეს თბილისში, საბურთალოს რაიონში, უცნობმა პირებმა ალექსი პერტიაშვილს ფიზიკური შეურაცხყოფა მიაყენეს და ცეცხლსასროლი იარაღიდან გასროლით ორივე ქვედა კიდური დაუზიანეს.

გამოძიების წინასწარი ინფორმაციით, თავდასხმის მომენტში ალექსი პეტრიაშვილი ყოფილი დიპლომატის - ლევან მიქელაძის საფლავზე სამ მეგობართან ერთად იმყოფებოდა.

მომხდარის შესახებ შეტყობინება გადაუდებელი დახმარების ოპერატიული მართვის ცენტრ „112“-ში ახლომდებარე საცხოვრებელ კორპუსში მცხოვრები მოქალაქისგან შევიდა.

შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

შემთხვევა საბურთალოს პანთეონის ძმათა სასაფლაოს ტერიტორიაზე მოხდა.

ალექსი პეტრიაშვილს ამ დროისთვის რესპუბლიკურ საავადმყოფოში ოპერაცია უტარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე