ჩვენ ვითხოვთ, რომ გაიხსნას ის მონაცემთა ბაზა, რომელიც იქნა ჩატვირთული დასათვლელ აპარატებში,- ამის შესახებ კოალიცია „ძლიერი საქართველოს“ ლიდერმა, მამუკა ხაზარაძემ ოპოზიციური პოლიტიკური პარტიებისა და პრეზიდენტის შეხვედრის დასრულების შემდეგ განაცხადა.

როგორც ხაზარაძემ მედიის წარმომადგენლებს უთხრა, აღნიშნულ მოთხოვნაზე უარს ამბობენ.

„ჩატარდა ძალიან სერიოზული დაგეგმილი სპეცოპერაცია, სადაც ქართველ ხალხს მოპარეს არჩევანი. ჩვენ გვაქვს კონსულტაცია მუდმივი პრეზიდენტსა და საერთაშორისო ორგანიზაციებთან. უამრავი მასალაა შეგროვებული. ჩვენ ვითხოვთ, რომ გაიხსნას ის მონაცემთა ბაზა, რომელიც იქნა ჩატვირთული დასათვლელ აპარატებში - ეს არის მნიშვნელოვანი, რაზეც ამბობენ უარს. სწორედ იქ აღმოჩნდება 1 000%-ით ადამიანების გვარ-სახელები და მონაცემები, რომლებიც არ იმყოფებოდნენ საქართველოში და სწორედ მათ მაგივრად მისცეს ხმა ე.წ. კარუსელში მონაწილე ადამიანებმა. დიახ, ელექტრონული არჩევნები ჩატარდა, მაგრამ რაც ჩაიტვირთა იქ, ეს არის ძალიან მნიშვნელოვანი. ჩვენ კონსტიტუციით გვაქვს უფლება, რომ ვიცოდეთ ეს ბაზები იმიტომ, რომ მოხდა გაყალბება კი არა, უბრალოდ ძალიან დიდი სპეცოპერაცია“,- განაცხადა მამუკა ხაზარაძემ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”