2016-02-25 18:13:17, 662 ნახვა
საზოგადოება
ხადური: ტყიბულელი მეშახტეები საგადასახადო რეფორმით ისევ ისარგებლებენ
"ტყიბულელი მეშახტეები საგადასახადო შეღავათებით ისევ ისარგებლებენ, რის გამოც შესაბამისი კანონპროექტი მომზადდა", – ამის შესახებ ფინანსთა მინისტრმა ნოდარ ხადურმა მთვრობის დღევანდელ სხდომაზე განაცხადა.
"გუშინ ჩვებ მოვამზადეთ გარკვეული კანონპროექტი, ის ითვალისწინებს იმ ადამიანებს, რომლებსაც მიმდინარე წლის პირველ იანვრამდე ჰქონდათ საგადასახადო შეღავათები. ეს უპირველეს ყოვლისა ეხება სწორედ მეშახტეებს, შეუნარჩუნდებათ არსებული შეღავათები და გაგრძელდება ამ შეღავათების მოქმედება. ეს ცვლილებები ამოქმედდება 1 იანვრიდან და ექნება უკუქმედების ძალა. ამის თაობაზე უკვე გვაქვს კონსულტაციები პარლამენტთან და აღნიშნული კანონპროექტი საკანონმდებლო ორგანოში უახლოეს მომავალში იქნება ინიცირებული“,–განაცხადა ნოდარ ხადურმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
