საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ წიგნის საჯაროდ კითხვის მსოფლიო დღეს შეუერთდა.

ამ მიზნით, ცენტრს  აქციის ერთ-ერთი ორგანიზატორი, მწერალი და მთარგმნელი გვანცა ჯობავა ესტუმრა. შეხვედრას დანაშაულის პრევენციის ცენტრის პროექტის -  „წიგნის კლუბის“ წევრები დაესწრნენ. სტუმარმა მოზარდებს რამდენიმე საინტერესო წიგნის შესახებ ესაუბრა. როგორც გვანცა ჯობავამ აღნიშნა, წიგნის პოპულარიზაციის მიზნით საქართველო ამიერიდან ერთ-ერთ ყველაზე მასშტაბურ აქციას უერთდება.

„წიგნის საჯაროდ კითხვის მსოფლიო დღე საქართველოში პირველად ხვალ, 24 თებერვალს აღინიშნება. ეს აქცია მსოფლიოში ცნობილი ღონისძიებაა და მასში 100 ქვეყნის 30 მილიონზე მეტი ადამიანი მონაწილეობს. მისი მიზანია წიგნის პოპულარიზაციის ხელშეწყობა“, - აღნიშნა აქციის ორგანიზატორმა გვანცა ჯობავამ.

როგორც ცნობილია, იუსტიციის სამინისტროს სსიპ „დანაშაულის პრევენციის ცენტრი“ ახაგაზრდებში სამოქალაქო და სამართლებრივი ცნობიერების ამაღლების მიზნით სხვადასხვა პროგრამას ახორციელებს. 14-დან 18 წლამდე ასაკის მოზარდებისთვის ერთ-ერთი ყველაზე წარმატებული პროექტია „წიგნის კლუბი“, რომლის მიზანია ლიტერატურული ნაწარმოების გაცნობა/განხილვის გზით ახალგაზრდებში წიგნის კითხვის მიმართ მოტივაციის ამაღლება, ანალიტიკური აზროვნების განვითარება. „წიგნის კლუბის“ შეხვედრები თბილისის გარდა  ყოველკვირეულად სხვადასხვა ქალაქის იუსტიციის სახლებში იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს