თბილისის მერი დავით ნარმანია ლიდერობის შესახებ სამუშაო შეხვედრას „მერები, ლიდერები ცვლილებებისთვის“ დაესწრო.

მერიის ინფორმაციით, შეხვედრა თემატური პროექტის „ადგილობრივი ხელისუფლების ინსტიტუციონალური ჩარჩოების გაძლიერება“ ფარგლებშია ორგანიზებული. სემინარი ევროპის საბჭოს ადგილობრივი და რეგიონული ხელისუფლებების კონგრესის მიერ იმართება და ის ევროკავშირისა და ევროპის საბჭოს ერთ-ერთი პროექტის ნაწილია, რომლის მიზანია ადგილობრივი ხელისუფლების წარმომადგენლებთან დიალოგით იმ მიდგომების შემუშავება,  რაც აღმოსავლეთ პარტნიორობის ცალკეულ ქვეყნებში თვითმმართველობის შემდგომი განვითარებისთვისაა აუცილებელი.

სამუშაო შეხვედრა ორ ნაწილად განხორციელდა. პირველი სესია გასული წლის ნოემბერში ჩატარდა. დღევანდელი ღონისძიება კი ადგილობრივი ეკონომიკური განვითარების საკითხებს,  ადგილობრივი ღირებულებებისა და ინტერესების დაცვასთან დაკავშირებულ თემებს მოიცავს.

თბილისის მერის დავით ნარმანიას განცხადებით, აღნიშნული პროგრამა ევროსაბჭოსთან მჭიდრო თანამშრომლობის მნიშვნელოვანი გამოძახილია.

„აღნიშნული პროგრამა არის მნიშვნელოვანი გამოძახილი იმ მჭიდრო თანამშრომლობისა, რაც ჩვენ გვაქვს ადგილობრივი თვითმმართველობების რეგიონულ კონგრესთან,  ევროსაბჭოსთან, რომლის ფარგლებშიც აღმოსავლეთ პარტნიორობის 6 ქვეყნის თვითმმართველობის  წარმომადგენლებისთვის ხორციელდება აღნიშნული პროგრამა და  მასში ჩართულია  საქართველოში არსებული ადგილობრივი თვითმმართველობებიც. მერები და გამგებლები, დღეს სხვადასხვა ქვეყნების გამოცდილებას იზიარებენ. ხდება გამოცდილების ურთიერთგაზიარება ისეთ მნიშვნელოვან  სფეროში, როგორიცაა ადგილობრივი ეკონიმიკური  განვითარება, პროექტების მენეჯმენტი, სწორი კომუნიკაცია იმისათვის, რომ პროექტები და პროგრამები, რომლებსაც ჩვენ ხალხისთვის ვახორციელებთ, იყოს მაქსიმალურად შედეგზე ორიენტირებული და ეფექტიანი“,- განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს