თეა წულუკიანმა თურქეთის იუსტიციის მინისტრის მოადგილე იუქსელ ქოჯამანი მიიღო.

როგორც „ექსპრესნიუსს“ იუსტიციის სამინისტროდან აცნობეს, შეხვედრა იუსტიციის სამინისტროში გაიმართა და მას თურქეთის დელეგაციასთან ერთად  თურქეთის ელჩი საქართველოში ზექი ლევენთ გუმრუქჩუ და იუსტიციის მინისტრის მოადგილეები ალექსანდრე ბარამიძე და გოჩა ლორთქიფანიძე ესწრებოდნენ.

მათივე ინფორმაციით, შეხვედრის ფარგლებში განსაკუთრებული ყურადღება დაეთმო სახელმწიფოთა შორის სამართლის უზენაესობისა და იუსტიციის სფეროში თანამშრომლობის საკითხებს.

თეა წულუკიანმა დელეგაციის წევრებს ინფორმაცია მიაწოდა ქვეყანაში განხორციელებული რეფორმების შესახებ. ამ კონტექსტში აღინიშნა, რომ პროკურატურა  გახდა პოლიტიკური ზეგავლენისგან თავისუფალი ინსტიტუცია; რომ შეიქმნა  ღია და გამჭვირვალე იუსტიციის უმაღლესი საბჭო; შემუშავდა მოსამართლეთა დანიშვნის ახალი წესი მათი დამოუკიდებლობის ხარისხის ასამაღლებლად; მიღებულ იქნა ბავშვის საუკეთესო ინტერესებზე მორგებული არასრულწლოვანთა  მართლმსაჯულების ახალი კოდექსი.

შეხვედრაზე მინისტრმა აღნიშნა, რომ საქართველო და თურქეთი სტრატეგიული პარტნიორები არიან უამრავ სფეროში, მათ შორის, პოლიტიკურ, ეკონომიკურ, კულტურულ და საგანმანათლებლო საკითხებში. პოზიტიურად იქნა შეფასებული, ასევე, ორ ქვეყანას შორის უვიზო რეჟიმი, რაც ხელს უწყობს არსებული კავშირების კიდევ უფრო მეტად გაღრმავებას.

შეხვედრაზე აღინიშნა, რომ საქართველოს მიერ უწყვეტად და თანმიმდევრულად განხორციელებული რეფორმები პოზიტიურად აისახა საქართველო-ევროკავშირის სავიზო რეჟიმის ლიბერალიზაციის პროცესზეც.

თურქეთის დელეგაციის ვიზიტი საქართველოში სამდღიანია და ის 24 თებერვალს დასრულდება.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს