ამერიკის შეერთებული შტატების საელჩოს მიერ გამოქვეყნებული ბანერი უხეშად მანიპულაციურია და სიმართლეს არ წარმოაჩენს,- ამის შესახებ საქართველოს პრემიერ-მინისტრმა, ირაკლი კობახიძემ დღევანდელ ბრიფინგზე განაცხადა.

კობახიძემ აშშ-ის ელჩს მიმართა, “კარგად ჩაუღრმავდეს მანიპულაციას, რომელიც საელჩოს თანამშრომლებმა განახორციელეს, რადგან საქმე ეხება არა 1,8%-ს არამედ 2,5%-ს“.

“1,8% არის 35 ათასზე მეტი ხმა, არ შეიძლება, საელჩოს ბანერზე მანიპულაცია იყოს მოცემული. როცა ამბობ, რომ 1,8% რა მოხდა, 1,8% არ იყო მაშინ. როდესაც საბოლოო ჯამში დაიდო იმ ოქმების მონაცემები, ის არ იყო მთელი ქვეყნის მასშტაბით - ცდომილება იყო არა 1,8% არამედ იყო თუ არ ვცდები, 2,5%. შესაბამის ოქმებს თუ დაადარებდით “ქართული ოცნების" შედეგის ცდომილება იყო არა 1,8% არამედ 2,5%. ეს არის პირველი მანიპულაცია, რომელიც საელჩოს ბანერზეა და მინდა ვთხოვო ელჩს, კარგად ჩაუღრმავდეს ამ მანიპულაციას, რომელიც განახორციელეს მისი საელჩოს თანამშრომლებმა, როცა საქმე ეხება არა 1,8% არამედ 2,5%-ს. 2,5% არის 50 ათასი ხმა. “ისფედი" ამტკიცებდა, რომ “ქართულმა ოცნებამ" გააყალბა 50 ათასი ხმა, ეს მეორე მანიპულაცია. ელჩს ვთხოვ, რომ ყურადღებით დააკვირდეს ამ განცხადებას. ჯერ ერთი არა 1,8% არამედ 2,5% და მეორე არა 2,5% როგორც ასეთი, არამედ “ისფედი" ჩვენ გვაბრალებდა და საზოგადოებას ატყუებდა, რომ “ქართულმა ოცნებამ" გააყალბა 50 ათასი ხმა და ამ 50 ათასი ხმის გაყალბების საბაბით, რადიკალური ოპოზიცია გვიწყობდა რევოლუციას ამ ქვეყანაში, რასაც პირდაპირი მხარდაჭერა ჰქონდა ენჯეოების და ორი ელჩის მხრიდან, რაც არ არის ნახსენები ამ ბანერზე. აქედან გამომდინარე, ეს ბანერი არის უხეშად მანიპულაციური და არ წარმოაჩენს სიმართლეს ისე, როგორც ეს მოხდა",- განაცხადა კობახიძემ.

შეგახსენებთ, დღეს, 2 ოქტომბერს საქართველოში ამერიკის შეერთებული შტატების საელჩომ სოციალურ ქსელში დაწერა: "ქართული ოცნების" მხრიდან ხშირი ცრუ განცხადებების საპასუხოდ, რომ 2020 წელს არასამთავრობო ორგანიზაცია ISFED-ი სახელმწიფო გადატრიალებას შეეცადა, აღვნიშნავთ, რომ ISFED-ის მონაცემებით, 2020 წლის არჩევნებში "ქართული ოცნების" გამარჯვება თავიდანვე დადასტურდა. რატომ აყენებს "ქართული ოცნება" ამერიკასთან პარტნიორობას რისკის ქვეშ 1.8%-ის გამო?"

ავტორი: ექსპრესნიუსი,

სოციალური ქსელები

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა

მერცის განცხადებით, გერმანიამ Tomahawk-ის რაკეტების შესყიდვის შესახებ აშშ-სთან შეთანხმებას მიაღწია