2016-02-22 20:40:16, 727 ნახვა
საზოგადოება
შსს: ფონიჭალაში მკვლელობისას ყაჩაღობას ადგილი არ ჰქონია
შინაგან საქმეთა სამინისტროს ინფორმაციით, ფონიჭალაში მკვლელობისას ყაჩაღობას ადგილი არ ჰქონია.
როგორც შსს-ს საზოგადოებასთან ურთიერთობის სამსახურის უფროსმა "ექსპრესნიუსს" განუცხადა, ადგილზე ნაპოვნია ფულიც და ძვირფასეულობაც, შესაბამისად ყაჩაღობა არ მომხდარა.
''შემიძლია გითხრათ დაბეჯითებით და წინასწარი ვერსიით, რომ სავარაუდოდ ყაჩაღობა სულაც არ ყოფილა, ვინაიდან ნაპოვნია ფულიც და ძვირფასეულობაც.'' - განაცხადა თეა პერტაიამ "ექსპრესნიუსთან" საუბარში.
ცნობისთვის, ცოტა ხნის წინ ფონიჭალაში დედა-შვილი მოკლული იპოვეს. მომხდარის მიზეზებთან დაკავშირებით, ამ დროისთვის არაფერია ცნობილი. ვრცელდებოდა ინფორმაცია, რომ დედა-შვილი მძარცველებმა მოკლეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
