14 მილიარდი ევრო, 14 მილიარდი ევრო შეგვიძლია მოვიზიდოთ ევროპული ფონდებიდან იმისთვის, რომ განვავითაროთ საქართველო, სოფლის მეურნეობა, წარმოება, განათლება, სოციალური მიმართულებები“, - ამის შესახებ „ერთიანობა-ნაციონალური მოძრაობის“ ერთ-ერთმა ლიდერმა, გიორგი ვაშაძემ ბრიფინგზე განაცხადა.

ვაშაძის თქმით,  ირაკლი კობახიძესთან საჯარო დებატების შემთხვევაში დაასახელებს იმ თითოეულ ფონდს, საიდანაც არჩევნებში გამარჯვების შემდგომ, 14 მილიარდიან დაფინანსებას მოიპოვებენ.

"14 მილიარდი ევრო, 14 მილიარდი ევრო შეგვიძლია მოვიზიდოთ ევროპული ფონდებიდან იმისთვის, რომ განვავითაროთ საქართველო, სოფლის მეურნეობა, წარმოება, განათლება, სოციალური მიმართულებები. არ დარჩება სოფელი, სადაც არ იქნება წყალი, არ იქნება სოფლის მეურნეობა განვითარებული, არ დარჩება რეგიონი, სადაც არ იქნება წარმოება, შევქმნით სამუშაო ადგილებს. ამ 14 მილიარდს, ჩემო კარგებო, დღეს ბლოკავს „ოცნება“, რომელმაც გადაუხვია ევროინტეგრაციის გზას და ისინი ძალიან ნერვებაშლილები არიან იმიტომ, რომ ჩვენ გამოვიჭირეთ კიდევ ერთ საკითხში, რომ ისინი ბლოკავენ 14 მილიარდის მოპოვებას.

მეორე დღეა უკვე ველოდები ბატონი ირაკლი კობახიძისგან პასუხს დებატებთან დაკავშირებით. ბატონო ირაკლი, მე გთავაზობთ საჯარო დებატებს, სადაც ყველა იმ ფონდის სახელწოდებას მოვიტანთ, სადაც თქვენ გაჩვენებთ, თუ საიდან ვაპირებთ 14 მილიარდის მოზიდვას. რატომ გაურბიხართ პასუხს? რატომ ბლოკავთ 14 მილიარდიან დაფინანსებას და რატომ გაურბიხართ საჯარო დებატებს, სადაც ხალხის თვალწინ დაგისახელებთ სათითაოდ ყველა იმ ფონდს, საიდანაც ვაპირებთ 14 მილიარდის მოზიდვას.

ველოდები პასუხს თქვენგან, თუ მართალი ხართ არ უნდა შეგეშინდეთ საჯარო დებატების, ხოლო თუ ტყუით, ბოდიში მოუხადეთ საზოგადოებას, რომ თქვენ ბლოკავთ ამ თანხის მიღებას საქართველოსთვის, ისევე, როგორც დაბლოკეთ საქართველოს ევროინტეგრაციის პროცესი და 26 ოქტომბერს ჩვენ ამ ბლოკს აუცილებლად ავხსნით- 14 მილიარდი საქართველოს ჩვენი ქვეყნის განვითარებისთვის", - განაცხადა ვაშაძემ

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე