ეს არის უბრალოდ შეფუთული თემა და პრობლემა არის ორი რამ - საქართველო არ შეუერთდა სანქციებს და აქ არ გაიხსნა მეორე ფრონტი რუსეთის წინააღმდეგ, - ასე უპასუხა დედაქალაქის მერმა, კახა კალაძემ ჟურნალისტის კითხვას, რომელიც ეხებოდა დასავლელი დონორებისგან დაფინანსების შესაძლო შეჩერების რისკებს.  

თბილისის მერის თქმით, „ამ თემის გარშემო ატეხილი ხმაური საქართველოს წინააღმდეგ აგორებული ბინძური კამპანიის ნაწილია და ის არანაირ კავშირში არ არის გამჭვირვალობის კანონთან". 

„თქვენ, ალბათ, სესხებზე მეკითხებით, ხომ? გრანტები მე არ ვიცი, თუ გაქვთ ინფორმაცია, იქნებ მითხრათ. სესხი არის ფინანსური ნაწილი და ამას იღებს ვალად სახელმწიფო. არ იქნება ის კონკრეტული ორგანიზაცია, ავიღებთ სხვაგან, ეს არ არის პრობლემა, თუმცა ის მესიჯები და კამპანია, რასაც ჩვენ ვისმენდით ბოლო თვეების განმავლობაში, არის იმ ბინძური კამპანიის ნაწილი, რომელიც პირდაპირ კავშირში იყო გამჭვირვალობის კანონთან, თუმცა გამჭვირვალობის კანონი აქ არაფერ შუაშია, ეს ყველაფერი არის შეფუთვის  ნაწილი საქართველოს წინააღმდეგ, ეს არის დამოკიდებულება და რეალობა ქვეყანასთან დაკავშირებით. რა თქმა უნდა, დღესაც არის რისკები, რომ  დღესაც ქვეყანაში გაიხსნას მეორე ფრონტი, შესაბამისად, ჩვენ უნდა შევინარჩუნოთ სიმშვიდე და მშვიდობა ქვეყანაში. რაც შეეხება პროექტებს, ყველა ის პროექტი, რომელიც მუნიციპალიტეტს აქვს დაწყებული, ჩვეულებრივად უპრობლემოდ გრძელდება და ხორციელდება“, - განაცხადა კახა კალაძემ. 

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს