2024-09-09 09:02:59, 409 ნახვა
მსოფლიო
სირიაში თავდასხმას 4 ადამიანი ემსხვერპლა - არიან დაშავებულები
სირიაზე განხორციელებული თავდასხმის შედეგად, სულ მცირე, 4 ადამიანი დაიღუპა და 13 დაშავდა. ამის შესახებ ინფორმაციას Reuters-ი ავრცელებს.
მედიის ცნობით, თავდასხმა "ჰამის" პროვინციაში მდებარე ქალაქ მასიაფში მოხდა.
"მასიაფში მდებარე მთავარი სამხედრო კვლევითი ცენტრი, სადაც ქიმიური იარაღის წარმოება ხდებოდა, რამდენჯერმე დაიბომბა. სავარაუდოდ, იქ ირანელი სამხედრო ექსპერტებისგან შემდგარი ჯგუფი იმყოფებოდა, რომლებიც იარაღის წარმოებაში იყვნენ ჩართული",- ნათქვამია ინფორმაციაში.
სირიის სახელმწიფო მედიის ცნობით, თავდასხმა ისრაელმა განახორციელა.
ისრაელს მომხდართან დაკავშირებით კომენტარი ჯერჯერობით არ გაუკეთებია.
ავტორი: ექსპრესნიუსი,
epn.ge (@expressnews.ge)
