“ქართული ოცნება“ არის სიმშვიდის, ეკონომიკური გაძლიერების გარანტი, მას ქვეყანაში ყველაზე მეტი მხარდამჭერი ჰყავს,- ამის შესახებ თბილისის მერმა, მედიასთან შესაბამისი კითხვის საპასუხოდ განაცხადა.

მისივე განმარტებით, საპარლამენტო არჩევნებზე მმართველი პარტია არც ერთ პოლიტიკურ პარტიასთან გაერთიანებას არ აპირებს.

“ქვეყანაში ყველაზე დიდი პოლიტიკური პარტიაა “ქართული ოცნება - დემოკრატიული საქართველო“, რომელსაც ყველაზე მეტი მხარდამჭერი ჰყავს.

ეს არის გუნდი, რომელიც ქვეყანაში სიმშვიდისა და ეკონომიკური გაძლიერების გარანტიაა. აღნიშნული  მხარდაჭერა ჩვენთვის პრინციპულად მნიშვნელოვანია“,- განაცხადა კახა კალაძემ.

თბილისის მერის თქმით, ოპოზიციური პარტიები ერთმანეთთან გაერთიანებებით საზოგადოების დაბნევას ცდილობს. მიუხედავად ამისა, ხალხი 26 ოქტომბერს მათ შესაბამის პასუხს გასცემს.

“არჩევნებზე წარვდგებით როგორც სხვადასხვა გაერთიანებისგან დამოუკიდებელი პოლიტიკური გუნდი. ოპოზიციაში მაქსიმალურად ცდილობენ დააბნიონ საზოგადოება, თუმცა ხალხი ყველაფერს ხედავს - ვინ არიან, როგორია მათი განვლილი პოლიტიკური ცხოვრება, რა აქვთ ქვეყნის წინააღმდეგ გაკეთებული. ხალხს კარგი მახსოვრობა აქვს. შესაბამისად, 26 ოქტომბერს ხალხი რადიკალიზმს და იმ ბოროტებას, რომელიც დღევანდელი ოპოზიციის სახითაა წარმოდგენილი, შესაბამის პასუხს გასცემს“,- აღნიშნა კალაძემ.

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს