ლიეტუვისა და ლატვიის საგარეო საქმეთა მინისტრები ლიეტუვა-ბელარუსის საზღვართან ჩავიდნენ და საზღვრის განმტკიცების გზები განიხილეს. ამის შესახებ ლიეტუვის საგარეო საქმეთა მინისტრი გაბრიელიუს ლანდსბერგისი X-ზე წერს.

როგორც ლანდსბერგისი წერს, მინისტრების ვიზიტი 2 ქვეყნის დიპლომატიური უწყების ყოველწლიური სემინარის ფარგლებში შედგა.

"ჩვენ კარგად ვაცნობიერებთ საფრთხეებს, რომელსაც ბელარუსი და რუსეთი ქმნიან მათი მეზობლებისა და მთლიანად ევროპისთვის",- წერს ლანდსბერგისი.

ცოტა ხნის წინ, ბელარუსის პრეზიდენტმა ალექსანდრ ლუკაშენკომ განაცხადა, რომ ხელს არ შეუშლის ევროკავშირში მოხვედრის მსურველ არალეგალ მიგრანტებს და მიანიშნა, რომ ეს ბალტიის ქვეყნების მიერ ბელარუსისთვის დაწესებული სანქციების საპასუხოდაა.

ბალტიისპირეთის სამივე ქვეყანამ ბელარუსის სარეგისტრაციო ნომრების მქონე მსუბუქ ავტომობილებს მათ სახელმწიფოებში შესვლა აუკრძალა. ლიეტუვაში ასევე საუბრობენ ლიეტუვასა და ბელარუსს შორის საავტობუსო მიმოსვლის შემცირებაზეც, ასევე  -  ბელარუსთან და რუსეთთან საბაჟო თანამშრომლობის შეთანხმების გაუქმებაზე.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს