თუ მშვიდობა არ იქნა, ვერც სოციალური დახმარებები და სხვადასხვა სახის პროგრამები იქნება მოსახლეობისთვის, ამიტომ არის პრიორიტეტული მშვიდობა, - ამის შესახებ დედაქალაქის მერმა, კახა კალაძემ მედიასთან საუბრისას განაცხადა, როდესაც მას "ქართული ოცნების“ წინასაარჩევნო კამპანიის დროს მათი მხრიდან  სოციალური პრობლემებისთვის  გვერდის ავლასთან დაკავშირებით ჰკითხეს.

კალაძის თქმით, ქვეყანაში მთავარი გამოწვევა დღეს, პირველ რიგში, მშვიდობისა და განვითარების გარემოს უზრუნველყოფაა იმისთვის, რომ არსებული თუ დაგეგმილი პროექტები მშვიდობიან გარემოში განხორციელდეს.

"გამოწვევები დღესაც არსებობს სოციალური მიმართულებით. ჩვენ გვაქვს უამრავი პროგრამა, უამრავი პროექტი, რომელიც ხორციელდება და მომავალშია დაგეგმილი, თუმცა ყველაზე მთავარი და მნიშვნელოვანი - ეს არ არის მხოლოდ არჩევნები, ეს არ არის უბრალოდ პოლიტიკურ პარტიებს შორის ბრძოლა. ეს არის რეფერენდუმი, სადაც წყდება ამ ქვეყნის მომავლის საკითხი, გვინდა ომი ქვეყანაში თუ გვინდა მშვიდობა. შესაბამისად, საზოგადოებამ უნდა მიიღოს სწორი გადაწყვეტილება, ჩვენ რა გვინდა - მშვიდობა და სიმშვიდის შენარჩუნება,  ქვეყნის ეკონომიკური განვითარება,  თუ იგივე მდგომარეობა გვინდა, რაც უკრაინაშია. სამწუხაროდ,  ჩვენ ეს გამოცდილი გვაქვს და ვიცით, რამხელა უბედურების მომტანი არის ომი.  დღეს არ გვაქვს ჩვენ იმის ფუფუნება,  შეცდომა დავუშვათ. მომავალი თაობები არ გვაპატიებს ამ შეცდომის დაშვებას, რომელმაც ქვეყანა შეიძლება ათეულობით წლით უკან დახიოს, შესაბამისად, სწორი გადაწყვეტილება არის მისაღები, ქუდზე კაცი უნდა გამოვიდეს და უნდა ავირჩიოთ ქვეყნის განვითარება, მშვიდობა და ევროპული მომავალი", - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს