საქართველოს პრემიერ მინისტრი გიორგი კვირიკაშვილი თავდაცვის მინისტრის თინა ხიდაშელის მიმართ საპარლამენტო უმრავლესობის წევრის, გოგი თოფაძის ბრალდებებს მთავრობის დღევანდელ სხდომაზე გამოეხმაურა.

როგორც პრემიერმა აღნიშნა, რომ თავდაცვის მინისტრის მიმართ ბრალდებები მიუღებელია და ჩირქს სცხებს არა მხოლოდ ერთ პარტიას, არამედ მთლიანად მთავრობას.

ამასთან, კვირიკაშვილმა თანაგუნდელებს მოუწოდა, თუ რაიმე შეკითხვები აქვთ, სხვა წესით განიხილონ.

„მინდა გამოვეხმაურო თავდაცვის მინისტრის მიმართ ბრალდებებს და ვთქვა, რომ ეს აბსოლუტურად მიუღებელია. ეს ჩირქს სცხებს არა ერთ პარტიას, არამედ მთლიანად მთავრობას. აბსოლუტურად ყველანაირი საფუძვლის გარეშე, მინდა მოვუწოდო ჩვენ თანაგუნდელს, რომ თუ მათ აქვთ შეკითხვები, სხვა წესით და სხვა ფორმატში უნდა იხილებოდეს. ჩვენი ერთიანობა ძალიან მნიშვნელოვანია. არა მხოლოდ კოალიცია, არამედ ყველა ადამიანი, ვინც მზად არის, რომ ეს ტვირთი ჩვენთან ერთად აიღოს და ეს ტვირთი არ არის მსუბუქი, ვინც მზად არის, რომ იმ პრინციპებით და იმ ხედვით, რომელი ხედვითაც მივდივართ წინ, ემსახუროს ჩვენს ქვეყანას, კარი გავუღოთ. არა თუ იმაზე ვიფიქროთ, რომ ჩვენ დავიშალოთ, მივცეთ სალაპარაკო იმ ადამიანებს, რომლებსაც ნამდვილად უხარიათ ეს“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს