სწორედ ამერიკელებმა მოაწყვეს სააკაშვილის სამხედრო ავანტიურა 2008 წლის აგვისტოში, თუმცა ისინი აცხადებდნენ, რომ მასთან არანაირი კავშირი არ ჰქონდათ,- ამის შესახებ რუსეთის ფედერაციის საზღვაო კოლეგიის თავმჯდომარემ, პრეზიდენტის თანაშემწე ნიკოლაი პატრუშევმა "იზვესტიასთან" ინტერვიუში განაცხადა.

პატრუშევის თქმით, "საქართველოს საქმეებში ამერიკის შეერთებული შტატების პირდაპირმა ჩარევამ აფხაზეთისა და "სამხრეთ ოსეთის" გამოყოფა გამოიწვია".

"ტყუილი და პროვოკაცია ვაშინგტონისა და სხვა დასავლური ქვეყნების პოლიტიკის ჩვეულებრივი თანამგზავრია. სწორედ ამერიკელებმა მოაწყვეს სააკაშვილის სამხედრო ავანტიურა 2008 წლის აგვისტოში, თუმცა ისინი აცხადებდნენ, რომ მასთან არანაირი კავშირი არ ჰქონდათ. აშშ-ის პირდაპირმა ჩარევამ საქართველოს საქმეებში გამოიწვია აფხაზეთისა და "სამხრეთ ოსეთის" გამოყოფა. მე მჯერა, რომ ქართველმა ხალხმა იცის, რომ ამერიკელების ქმედებებით მიადგათ სატანჯველი",- აცხადებს პატრუშევი, რომელსაც ასევე კითხვა რუსეთის ფედერაციის კურსკის ოლქში მიმდინარე მოვლენებთან დაკავშირებითაც დაუსვეს.

პრეზიდენტის თანაშემწემ თქვა, რომ "ოპერაცია კურსკის ოლქში ნატოსა და დასავლური დაზვერვის სამსახურების მონაწილეობით დაიგეგმა".

"ოპერაცია კურსკის რეგიონში ნატოსა და დასავლური დაზვერვის სამსახურების მონაწილეობითაც დაიგეგმა. ეს დანაშაულებრივი ქმედება გამოწვეული იყო ნეონაცისტური კიევის რეჟიმის მოახლოებული გარდაუვალი კოლაფსის წინასწარმეტყველებით... სახელმწიფოები რეგულარულად ამბობენ ერთს და აკეთებენ მეორეს. მათი მონაწილეობისა და პირდაპირი მხარდაჭერის გარეშე კიევი არ გარისკავდა რუსეთის ტერიტორიაზე შესვლას",- თქვა პატრუშევმა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს