ინფრასტრუქტურული პროექტების დაჩქარების გეგმა, დამწყები ბიზნესის დაფინანსების ხელშეწყობის პროგრამა და 2016 წელს რეგიონებში განსახორციელებელი ღონისძიებები განიხილეს ეკონომიკური საბჭოს სხდომაზე, რომელიც პრემიერ-მინისტრ გიორგი კვირიკაშვილის ხელმძღვანელობით, დღეს მთავრობის ადმინისტრაციაში გაიმართა.

ინფრასტრუქტურული პროექტების განხორციელების დაჩქარების გეგმა წარადგინა რეგიონული განვითარებისა და ინფრასტრუქტურის მინისტრმა. პრემიერ-მინისტრის დავალებით, მინიმუმამდე უნდა იყოს დაყვანილი პროექტირებისა და მშენებლობის ვადები, რათა სტრატეგიული მნიშვნელობის საავტომობილო გზების მშენებლობა მაქსიმალურად მოკლე ვადებში უნდა დასრულდეს.  

სხდომაზე ასევე აღინიშნა, რომ უკვე ყალიბდება ე.წ „სტარტაპების" ხელშეწყობის პროგრამის კონკრეტული კრიტერიუმები და დაფინანსების პროცედურები, რის შემდეგაც პროექტს მთავრობა განიხილავს. პროგრამა საქართველოში ახალი ბიზნესპროექტებისა და მეწარმეობის სულისკვეთების განვითარებას ისახავს მიზნად.

2016 წელს რეგიონებში განსახორციელებელი ღონისძიებების გეგმაზე ეკონომიკური საბჭოს სხდომაზე კულტურისა და ძეგლთა დაცვის მინისტრმა ისაუბრა. მიხეილ გიორგაძის ინფორმაციით, რეგიონებში მოეწყობა ღია საკონცერტო სივრცეები და ჩატარდება, როგორც კონცერტები და თეატრალური წარმოდგენები, ისე - სხვადასხვა სახის გასართობი ღონისძიებები, რომლებშიც, ქართველ მომღერლებთან ერთად, უცხოელი შემსრულებლებიც მიიღებენ მონაწილეობას. ღონისძიებები რეგიონებში გაზაფხულიდან დაიწყება და მთელი ზაფხულის განმავლობაში გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს