ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე „დემოკრატიისა და საარჩევნო საკითხებში დახმარების საერთაშორისო ინსიტუტის“ გენერალურ მდივანს ივ ლეტერმს შეხვდა.

შეხვედრა მთავრობის ადმინისტრაციაში გაიმართა.

სახელმწიფო მინისტრის აპარატის ინფორმაციით, მხარეებმა ევროინტეგრაციის პროცესში საქართველოში მიმდინარე რეფორმები, IDEA-ს საქმიანობის პრიორიტეტები და შესაძლო თანამშრომლობის პერსპექტივები განიხილეს.

დავით ბაქრაძემ  საქართველოსა და ევროკავშირს შორის ასოცირების შესახებ შეთანხმების განხორციელების მსვლელობაზე, მიღწეულ წარმატებებსა და გასატარებელ რეფორმებზე ისაუბრა. სახელმწიფო მინისტრმა ხაზგასმით აღნიშნა, რომ ევროინტეგრაცია ქვეყნის ერთ-ერთი მთავარი საგარეო პოლიტიკური პრიორიტეტია, რომელსაც საზოგადოების დიდი მხარდაჭერა აქვს. შეხვედრაზე სახელმწიფო მინისტრმა ყურადღება გაამახვილა ევროინტეგრაციის პროცესში სამოქალაქო საზოგადოების აქტიურ ჩართულობაზე, საზოგადოებასთან სტრატეგიული კომუნიკაციის ძირითადი ასპექტებზე და აღნიშნა, რომ ამ კონტექსტში საქართველო აღმოსავლეთ პარტნიორობის ქვეყნებს შორის ლიდერია.

თავის მხრივ, ივ ლეტერმა ინსტიტუტის საქმიანობის ძირითადი მიმართულებები მიმოიხილა, კერძოდ: საარჩევნო სისტემის განვითარება, საკონსტიტუციო მოწყობასთან დაკავშირებული საკითხების, დემოკრატიისა და განვითარების საკითხების კვლევა და რომ  ორგანიზაციის მიზანია მსოფლიოში დემოკრატიის მხარდაჭერა და ამ პროცესში დაგროვილი გამოცდილების გაზიარება.

ივ ლეტერმის თქმით, ევროინტეგრაციის კუთხით საქართველომ წარმატებით გაართვა თავი ფართომასშტაბიან რეფორმებს, კვლავ აგრძელებს მნიშვნელოვანი გარდაქმნების პროცესს და  გამოხატა ორგანიზაციის ინტერესი ჩაერთოს და დადებითი წვლილი შეიტანოს საქართველოში დემოკრატიის განვითარებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს