"აბსოლუტურად გაუმართლებლად და არასწორედ მიმაჩნია, ე.წ სპეციალური სამსახურის შექმნა", - ამის შესახებ "თავისუფალი დემოკრატების" თავმჯდომარემ, ირაკლი ალასანიამ განაცხადა.

როგორც ირაკლი ალასანიამ აღნიშნა, მისთვის გაუგებარია ქვეყნის მართვის სტილი და ის ვერ ხვდება, რისთვის არის საჭირო დამატებით სპეციალური სტრუქტურის და დამატებითი ბიუროკრატიის შექმნა. "აბსოლუტურად გაუმართლებლად და არასწორად მიმაჩნია, ე.წ სპეციალური სამსახურის შექმნა. ეს პირდაპირი დადასტურებაა იმისი, რომ მოქმედი მთავრობა არის აბსოლუტურად არა ეფექტური", - განაცხადა ალასანიამ.

მისივე თქმით, საქართველოს პროფესიონალებით დაკომპლექტებული მთავრობა და არა დამატებითი ბიუროკრატია სჭრიდება.

"ჩემი აზრით, ეს აბსოლუტურად გაუმართლებელი და არასწორია. ამას ჯობია აღიარონ, რომ არ ჰყავთ სწორი კადრები სწორ ადგილზე და პროფესიონალი კადრები მოიყვანონ, ვიდრე დამატებით სპეციალური სამსახურები შეიქმნას. დამატებითი ბიუროკრატია საქართველოს არ სჭირდება. საქართველოს პროფესიონალებით დაკომპლექტებული მთავრობა სჭირდება, რომლის უნარი და შესაძლებლობა სამწუხაროდ დღევანდელ ხელისუფლებას არ გააჩნია", - განაცხადა ირაკლი ალასანიამ, სამინისტროების გაუქმების საკითხის კომენტირებისას.

როგორც ალასანიამ განაცხადა, მმართველ პარტიაში გუნდურობა არ არსებობს.

"არეულები არიან გუნდის შიგნით, არ არსებობს გუნდურობა. აქედან გამომდინარე კიდევ ერთხელ ეს მეტყველებს ეფექტურობაზე და ჩვენი ქვეყნის მართვაზე", - აღნიშნა "თავისუფალი დემოკრატების" თავმჯდომარემ, ირაკლი ალასანიამ. 

ალასანიამ აგრეთვე, "თავისუფალი დემოკრატების" ხედვაზე ისაუბრა და განმარტა, რომ პარტიას საკუთარი ხედვა გააჩნია, მთავრობის ეფექტურობის ამაღლებასთან დაკავშირებით, რომელსაც წინასაარჩევნო კამპანიის დროს გააცნობს საზოგადოებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს