ირანის მოსალოდნელი თავდასხმის ფონზე ისრაელის დასახმარებლად და ამერიკის შეერთებული შტატების ჯარების დასაცავად, აშშ-მა ავიამზიდ “თეოდორ რუზველტიდან“ 10 “ეფ/ეი-18“-ის ტიპის ავიაგამანადგურებელი ახლო აღმოსავლეთის სამხედრო ბაზაზე გაგზავნა. ამის შესახებ ინფორმაციას The Times Of Israel-ი ავრცელებს.

მედიის ცნობით, სამხედრო თვითმფრინავები და “ი-2-დი ჰოვქის“ ტიპის სადაზვერვო აპარატი ომანის ყურიდან არაიდენტიფიცირებულ ბაზაზე ჩაფრინდა.

ახლო აღმოსავლეთში ძალადობის ესკალაციის საშიშროების ფონზე, აშშ-ის თავდაცვის მდივანმა, ლოიდ ოსტინმა რეგიონში სამხედრო რესურსების გაზრდის შესახებ ბრძანება გასცა.

 “აშშ-ის საჰაერო ძალების “ეფ-22“-ის ტიპის მოიერიშე თვითმფრინავები მოემართებიან ბაზაზე და უახლოეს დღეებში ჩამოვლენ ახლო აღმოსავლეთში",- ამბობს ოფიციალური წარმომადგენელი.

როგორც მედია წერს, უცნობია, რამდენ ხანს დარჩება ყველა თვითმფრინავი ერთად ბაზაზე და ეს შეიძლება დამოკიდებული იყოს იმაზე, თუ რა მოხდება მომდევნო რამდენიმე დღეში.

ავტორი: ექსპრესნიუსი,

სოციალური ქსელები

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა

უგულშემატკივრე ქართველ კალათბურთელებს მსოფლიო ჩემპიონატის შესარჩევ ეტაპზე | საქართველოს ბანკი - ეროვნული საკალათბურთო ნაკრების გენერალური სპონსორი

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ