"უსუფაშვილს სურდა,  საკონსტიტუციო კომისიის  თავმჯდომარეობა აღენიშნა ახალი კონსტიტუციური მოდელის  მიღებით, მაგრამ  რეალურმა პოლიტიკურმა კონტექსტმა ამის  საშუალება არ მისცა", - ამის შესახებ "ერთიანი ნაციონალური მოძრაობის" წევრმა დავით დარჩიაშვილმა "ექსპრესნიუსს" საკონსტიტუციო კომისიის საქმიანობის შეფასებისას განუცხადა.

მისივე თქმით, უკეთესი იქნებოდა, დავით უსუფაშვილს ქვეყანაში დემოკრატიის განმტკიცებაზე  რეალურად  ეზრუნა და პოლიტიკური ოპონენტების  დევნის პრობლემისათვის  მეტი ყურადღება მიექცია:

"მე ვფიქრობ, რომ  დავით უსუფაშვილის  ერთგვარი იდეაფიქსი იყო, რომ თავისი  თავმჯდომარეობა აღენიშნა ახალი კონსტიტუციური მოდელის  მიღებით, მაგრამ  რეალურმა პოლიტიკურმა კონტექსტმა ამის  არანაირი საშუალება არ მისცა. არც მისცემდა  ამ საშუალებას, ისეთი  ვითარება იყო. მას რომ მეტი ენერგია დაეხარჯა, მართლა დემოკრატიის განმტკიცებაზე ქვეყანაში და მეტი ყურადღება  მიექცია პოლიტიკური ოპონენტების დევნის პრობლემისათვის, ბევრად  უფრო კარგი იქნებოდა მისი თავმჯდომარეობისათვის და მისი ისტორიაში დარჩენისათვის.   მთავარი პრობლემები, ეს კონფრონტაციულობა,  არაფორმალური მმართველობა,  შესაბამისად, ეკონომიკის დაცემა,  აღმოჩნდა მისთვის  ნაკლებ უფრო ყურადსაღები, ვიდრე ის, რომ ახალ კონსტიტუციურ მოდელზე ეფიქრა. არც ერთი გამოვიდა და არც მეორე", - განაცხადა დავით დარჩიაშვილმა.

შეგახსენებთ, პარლამენტის თავჯდომარის დავით უსუფაშვილის განცხადებით, პარლამენტში შექმნილი საკონსტიტუციო კომისიას თებერვლის ბოლოს უფლებამოსილების ვადა ამოეწურება და მუშაობას აღარ გააგრძელებს.

როგორც უსუფაშვილმა ჟურნალისტებს განუცხადა, კომისია მუშაობას აღარ გააგრძელებს, რადგან მას საკმარისი პოლიტიკური მხარდაჭერა არ აღმოაჩნდა.

უსუფაშვილის თქმით, კომისიამ ყველა საკითხზე - ადამიანის უფლებებთან დაკავშირებით, სახელწმიფო მართვის ორგანოებს შორის ურთიერთობაზე, თავდაცვის სისტემაზე, თვითმმართველობის თაობაზე, აჭარის ავტონომიური რესპუბლიკის სტატუსზე და იქ არსებულ საკითხებზე, სასამართლო ხელისუფლების ძალიან მნიშვნელოვან თემებზე, მოსამართლეების არჩევითობის თემაზე ძალიან სერიოზულად იმუშავა და მუშაობის შედეგები პარლამენტს წარედგინება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს