რუსეთსა და ჩრდილოეთ კორეას შორის ხელმოწერილი სტრატეგიული პარტნიორობა ჩინეთის შეშფოთებას უნდა იწვევდეს, - ამის შესახებ თეთრი სახლის ეროვნული უშიშროების საბჭოს სპიკერმა, ჯონ კირბიმ განაცხადა.

კირბის თქმით, ორ ქვეყანას შორის დადებული შეთანხმება ეწინააღმდეგება ჩინეთის მიდგომებს.

„ჩვენ ვფიქრობთ, რომ ამ შეშფოთებას ჩინეთიც გაიზიარებს, რადგან შეთანხმება, როგორც ჩანს, პირდაპირ ეწინააღმდეგება იმ განცხადებას, რომელიც რუსეთის პრეზიდენტმა, ვლადიმერ პუტინმა და ჩინეთის პრეზიდენტმა, სი ძინ პინმა პეკინში ერთი თვის წინ გააკეთეს“, - განაცხადა კირბიმ.

კირბიმ ასევე განაცხადა, რომ გასულ თვეს ჩინეთი და რუსეთი უკრაინაში სიტუაციის მშვიდობიანი და დიპლომატიური დარეგულირების მომხრეები იყვნენ.

„ეს შეთანხმება ნებისმიერი ქვეყნის შეშფოთებას უნდა იწვევდეს, რომელიც ღელავს ინდო-წყნარი ოკეანის რეგიონის უსაფრთხოებაზე და თვლის, რომ გაეროს უშიშროების საბჭოს გადაწყვეტილებები უნდა იყოს განხორციელებული“, - განაცხადა უშიშროების საბჭოს სპიკერმა.

შეგახსენებთ, 19 ივნისს, ჩრდილოეთ კორეასა და რუსეთის ფედერაციას შორის სტრატეგიული პარტნიორობის შესახებ ხელშეკრულება გაფორმდა.

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის