ღარიბაშვილო, პენსიონერი მამის მილიონებით რომ ხარ გატუტუცებული, სინამდვილეში კი პირწავარდნილი კორუმპირებული, ბიუჯეტის და ხალხის ფულის ქურდი, ბიძინასთან ერთად, ანაკლიაში ჩვენი დასავლელი პარტნიორების რეკეტიორი ხარ! - ასე მიმართავს "ლელო საქართველოსთვის" ერთ-ერთი ლიდერი მამუკა ხაზარაძე "ქართული ოცნების" თავმჯდომარეს, ირაკლი ღარიბაშვილს.

ხაზარაძე ანაკლიის ღრმაწყლოვან პორტთან დაკავშირებით ღარიბაშვილის განცხადებას ეხმაურება და სოციალურ ქსელში წერს, რომ მმართველი პარტიის თავმჯდომარეს "ყველა დანაშაულზე პასუხი  კანონის სრული სიმკაცრით" მოეთხოვება.

"თქვენ წაართვით ქართველ ხალხს პერსპექტივა, ასობით ათასი სამუშაო ადგილი, რომელსაც ანაკლიის პროექტი ევროკავშირთან და აშშ-სთან პარტნიორობით იძლეოდა. რომ არა თქვენი თავდასხმა ჩვენზე და პროექტზე, 2020-ში ანაკლიაში პირველი გემი უკვე შემოსული იქნებოდა, საქართველო კი სხვანაირი ქვეყანა.

სწორედ ამისთვის ვმუშაობდი წლების განმავლობაში და ზუსტად ამიტომ არის ანაკლიის პორტის აშენება "ლელოს" პროგრამაში, როგორც პრიორიტეტი, მაგრამ შენმა რუსულმა ოცნებამ ვერაგული განზრახვით დაბლოკა ეს პროექტი, რადგან თქვენს პატრონ პუტინს, არ სურს თანამედროვე, დასავლეთთან პარტნიორობით აშენებული პორტი საქართველოში.

ამიტომ აძლევთ ამ პროექტს ჩინურ კომპანიას, რომელიც მხილებულია კორუფციაში, შრომითი უფლებების დარღვევასა და პროექტების ჩაგდებაში. 

გპირდები, ყველა დანაშაულზე პასუხი კანონის სრული სიმკაცრით მოგეთხოვება, ხოლო ქვეყნის ღალატის გამო, შენ და დანარჩენებს ჩვენი ხალხი და მომავალი გაგცემთ მკაცრ პასუხს",- წერს ხაზარაძე "ფეისბუქზე". 

ცნობისთვის, დღეს, 2 ივნისს "ქართული ოცნების" თავმჯდომარემ, ირაკლი ღარიბაშვილმა განაცხადა: "როგორ შეიძლება, ანაკლიის პორტზე საუბრობდეს ხაზარაძე, რომელმაც ჩააგდო ეს პროექტი, ფიასკო განიცადა, ამის შემდეგ წავიდა და სახელმწიფოს ედავება მილიარდ 500 მილიონ დოლარს".

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს