რუსეთის ფედერაციის პრეზიდენტმა, ვლადიმერ პუტინმა სახელმწიფო საბჭოს მდივნად ყოფილი პირადი მცველი ალექსეი დიუმინი დანიშნა. ამის შესახებ ინფორმაციას Reuters-ი ავრცელებს.

მედიის ცნობით, 51 წლის დიუმინი კრემლში ამ თვის დასაწყისში შეიყვანეს, ხოლო მანამდე ის ტულის ოლქის გუბერნატორის თანამდებობას იკავებდა.

„კრემლის ვებგვერდზე, ოთხშაბათს დილით გამოქვეყნდა პუტინის მიერ ხელმოწერილი განკარგულება, სადაც აღნიშნულია, რომ მან სახელმწიფო საბჭოს მდივნის პოსტზე ალექსეი დიუმინი დანიშნა“, - წერს მედია.

მათივე ინფორმაციით, ალექსეი დიუმინი 1995 წელს გაწევრიანდა რუსეთის ფედერალური დაცვის სამსახურში, რომელიც კრემლის უსაფრთხოებას უზრუნველყოფს. ის ვლადიმერ პუტინის პრეზიდენტობის პირველი ორი ვადის განმავლობაში მისი პირადი დაცვის წევრი იყო, მოგვიანებით კი რუსეთის სახელმწიფო დაზვერვის სამსახურის ხელმძღვანელის მოადგილედ მუშაობდა.

ავტორი: ექსპრესნიუსი,

სოციალური ქსელები

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე

სოციალურ ქსელში კალაძეზე დაწერილი კომენტარის გამო მოქალაქე 2 000 ლარით დააჯარიმეს