გუშინ, რუსებმა მხოლოდ ვეტო დაძლიეს და არა საზოგადოების ძლიერი საპროტესტო ტალღა, - ამის შესახებ პარტია „ახალის“ ერთ-ერთმა ლიდერმა, ნიკა მელიამ სოციალურ ქსელში დაწერა.

მელია პარლამენტის მიერ „უცხოური გავლენის გამჭვირვალობის“ შესახებ კანონზე პრეზიდენტის ვეტოს დაძლევას ეხმაურება და აღნიშნავს, რომ ჯერ ბრძოლა არ დასრულებულა, „მთავარი პროცესი ახლა იწყება და დაგვირგვინდება ივანიშვილის დასრულებით - მის რეჟიმს არჩევნებზე უკვე ხალხი დაასანქცირებს“.

„აქამდე „ქართული ოცნების“ საპატიო თავმჯდომარეს, ბიძინა ივანიშვილს კომფორტის ზონაში რამდენიმე ფაქტორი ამყოფებდა:

- ხალხი ქუჩაში არ გამოდის.

- ახალგაზრდობას პოლიტიკური პროცესები არ აღელვებს.

- დასავლეთი ჰაეროვანი აღშფოთებით შემოიფარგლება.

ივანიშვილი აქტიურად იყენებდა ამ 3 ფაქტორს ძალაუფლების შესანარჩუნებლად. ეწეოდა ამ ყველაფრის სტიგმატიზაციასაც.

ამ ყველაფრის ძვალ-რბილში გაჯდომით, ივანიშვილი ხალხს თავზე გვაცვამდა უიმედობის ყულფს და საარჩევნოდ ფეხქვეშაც გამოგვკრავდა ხოლმე.

მაგრამ რუსების დავალების შესრულებისას ისეთ აზარტში შევიდა, რომ თვითონ გამოიცალა მიწა ფეხქვეშ.

პროტესტმა მოიპოვა უნიკალური მხარდაჭერა დასავლეთისგან.

სიტყვა საქმემ შეცვალა, სიტყვიერი აღშფოთება - მოქმედებამ.

ივანიშვილს დღის წესრიგი ხელიდან გაექცა - საზოგადოებას ვეღარ ალაპარაკებს  ცრუ, თითიდან გამოწოვილ პრობლემებზე, სქესის შეცვლასა და მსგავს ცრუ დილემებზე, ყველამ დავინახეთ, სად არის რეალური პრობლემა..

გუშინ რუსებმა მხოლოდ ვეტო დაძლიეს და არა - საზოგადოების ძლიერი საპროტესტო ტალღა.

ჯერ არც ბრძოლა დასრულებულა, არც ივანიშვილი, შესაბამისად არც დავმარცხებულვართ და არც საბოლოოდ გაგვიმარჯვია. შუა ბრძოლაში ვართ და შესაბამისად, არც მოდუნების დროა.

მთავარი პროცესი ახლა იწყება და დაგვირგვინდება ივანიშვილის დასრულებით -  მის რეჟიმს არჩევნებზე უკვე ხალხი დაასანქცირებს..“, - წერს ნიკა მელია სოციალურ ქსელში.

შეგახსენებთ, გუშინ, 28 მაისს საქართველოს პარლამენტმა "უცხოური გავლენის გამჭვირვალობის შესახებ" კანონზე პრეზიდენტის ვეტო დაძლია.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი