2024-05-27 10:45:06, 592 ნახვა
პოლიტიკა
რუსი სენატორი - სალომე ზურაბიშვილი საქართველოში უცხოეთის მთავარი აგენტია
საქართველოს პრეზიდენტი სალომე ზურაბიშვილი საქართველოში უცხოეთის მთავარი აგენტია, - ამის შესახებ რუსი სენატორი, დუმის საგარეო საქმეთა კომიტეტის ყოფილი თავმჯდომარე ალექსეი პუშკოვი სოციალურ ქსელში წერს.
როგორც პუშკოვი აღნიშნავს, „უცხოური გავლენის გამჭვირვალობის შესახებ“ კანონი თავად ზურაბიშვილს ეხება და ამიტომაც მის წინააღმდეგ გამოდის.
„საქართველოს პრეზიდენტი სალომე ზურაბიშვილი საქართველოში უცხოეთის მთავარი აგენტია, რომელიც დიდი ხანი და გაცნობიერებულად მუშაობს ქვეყნის საგარეო ძალების დამორჩილებისთვის. ამ მიზეზით გამოვიდა „უცხოელი აგენტების" კანონის წინააღმდეგ: ეს კანონი თავისი შინაარსით თავად მას ეხება, თავისი ვექტორით კი მისი საქმიანობის წინააღმდეგაა მიმართული“, - წერს პუშკოვი სოციალურ ქსელში.
ავტორი: ექსპრესნიუსი,
epn.ge (@expressnews.ge)
