საქართველოს ჯერ კიდევ ბევრი აქვს გასაკეთებელი კანონის უზენაესობისა და სასამართლო სისტემის დამოუკიდებლობის გზაზე, - ამის შესახებ ნატო-ს გენერალურმა მდივანმა, იენს სტოლტენბერგმა ნატო-საქართველოს კომისიის სხდომის დასრულების შემდეგ გამართულ პრესკონფერენციაზე განაცხადა.

როგორც სტოლტენბერგმა აღნიშნა, საქართველო ერთგულად მიჰყვება რეფორმების განხორციელების ამბიციურ გზას, რის შედეგადაც მოკავშირეებმა მაღალი შეფასება მისცეს.

"მოკავშირეებმა დღეს მაღალი შეფასება მისცეს საქართველოს ძალისხმევას, გააძლიეროს დემოკრატიული ინსტიტუტები", - განაცხადა სტოლტენბერგმა. თუმცა მისივე თქმით, უმნიშვნელოვანეს სფეროებში, მათ შორის სამართლის უზენაესობისა და სასამართლო სისტემის დამოუკიდებლობისთვის ჯერ კიდევ ბევრია გასაკეთებელი.

როგორც სტოლტენბერგმა აღნიშნა, ყველა მოკავშირე საქართველოს ტერიტორიულ მთლიანობასა და სუვერენიტეტს მხარს უჭერს, მისი საერთაშორისოდ აღიარებულ საზღვრებში.

შეგახსენებთ, რომ ალიანსის გენერალურმა მდივანმა კიდევ ერთხელ მოუწოდა რუსეთს, შეცვალოს საქართველოს რეგიონების – აფხაზეთისა და "სამხრეთ ოსეთის" დამოუკიდებელ სახელმწიფოებად აღიარების გადაწყვეტილება.

"საქართველო არის დამოუკიდებელი, სუვერენული ქვეყანა საერთაშორისოდ აღიარებული საზღვრებით და რუსეთი კვლავ განაგრძობს ამ საზღვრების დარღვევას. მოვუწოდებ რუსეთს, უარყოს „სამხრეთ ოსეთისა“ და აფხაზეთის დამოუკიდებლობის აღიარება. აფხაზეთი და სამხრეთ ოსეთი საქართველოს ნაწილია", - განაცხადა ნატო-ს გენერალურმა მდივანმა იენს სტოლტენბერგმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს