2024-03-22 23:19:39, 1483 ნახვა
ომი უკრაინაში
შმიგალი - რუსეთის მასშტაბური თავდასხმის შედეგად, დაზიანებულია 20 ქვესადგური და რამდენიმე ელექტროსადგური
რუსეთის მასშტაბური თავდასხმის შედეგად, დაზიანებულია 20 ქვესადგური და რამდენიმე ელექტროსადგური, - ამის შესახებ უკრაინის პრემიერ-მინისტრმა, დენის შმიგალმა განაცხადა.
როგორც შმიგალმა აღნიშნა, აღდგენით სამუშაოებს რამდენიმე დღე დასჭირდება.
"ელექტროენერგიის მიწოდება სამ ეტაპად განახლდება, პირველ რიგში ის კრიტიკულ ინფრასტრუქტურას, შემდეგ კი, მოსახლეობასა და სამრეწველო სფეროს განუახლდება", - განაცხადა შმიგალმა.
ცნობისთვის, გასულ ღამეს რუსეთმა უკრაინის ენერგოსისტემაზე ყველაზე მასშტაბური შეტევა განახორციელა.
ავტორი: ექსპრესნიუსი,
epn.ge (@expressnews.ge)
