რუსეთში არჩევნები იყო არჩევანის გარეშე, - ასე აფასებს რუსეთის ფედერაციაში ჩატარებულ არჩევნებს გერმანიის საგარეო საქმეთა მინისტრი ანალენა ბერბოკი.

გერმანიის საგარეო უწყების ხელმძღვანელი "საარჩევნო უბნების" ოკუპირებულ ტერიტორიებზე გახსნას გმობს და აღნიშნავს, რომ უკრაინის, მოლდოვისა და საქართველოს ტერიტორიებზე არჩევნების ჩატარება საერთაშორისო სამართალს ეწინააღმდეგება.

"საარჩევნო პროცესი გვიჩვენებს არა მხოლოდ პუტინის ბოროტ ქმედებებს საკუთარი ხალხის მიმართ, არამედ ასევე მეზობელი ქვეყნების მიმართაც. ე.წ. არჩევნების ჩატარება უკრაინის ტერიტორიებზე, მოლდოვისა და საქართველოს ტერიტორიებზე, ეწინააღმდეგება საერთაშორისო სამართალს. საყურადღებოა, თუ რამდენმა რუსმა გამოხატა საჯაროდ აზრი ამ შაბათ-კვირას, რომ ისინი ვერ ხედავენ პუტინს რუსეთის პრეზიდენტად", - განაცხადა ბერბოკმა.

შეგახსენებთ, რუსეთის ფედერაციაში საპრეზიდენტო არჩევნები 15 მარტს დაიწყო და 17 მარტს დასრულდა. პირველი ოფიციალური შედეგების მიხედვით, ვლადიმერ პუტინმა ხმების 80%-ზე მეტი მიიღო.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს