აეროპორტების საერთაშორისო საბჭოს (ACI) იანვრის რეიტინგში ევროპის 450 აეროპორტს შორის ქუთაისის საერთაშორისო აეროპორტი მესამე ადგილზე მოხვდა. 

საქართველოს აეროპორტების გაერთიანების გენერალური დირექტორის ირაკლი ქარქაშაძის შეფასებით, 2023 წლის მილიონ 700 ათასამდე მგზავრით დახურვამ და მკვეთრმა ზრდამ, ქუთაისის საერთაშორისო აეროპორტის საერთაშორისო რეიტინგებში მცირე ზომის აეროპორტიდან, საშუალო სიდიდის აეროპორტების კატეგორიაში გადანაცვლება გამოიწვია. 

,, ACI-ს განახლებული კლასიფიკაციით, საშუალო ზომის აეროპორტებს მიეკუთვნება მსოფლიოს ყველა აეროპორტი, რომელიც წლიურად 1-დან 10 მილიონამდე მგზავრს ემსახურება. საუბარია ევროპის 450 საშუალო სიდიდის აეროპორტზე. ქუთაისის აეროპორტში 2023 წელს თითქმის მილიონ 700 ათასამდე მგზავრმა ჩვენი აეროპორტის ისტორია კიდევ ერთხელ დაწერა და საერთაშორისო აღიარებაც მოუტანა“, - განაცხადა ირაკლი ქარქაშაძემ.

ACI-ის 2023 წლის ანგარიშში ნათქვამია, რომ  დავით აღმაშენებლის საერთაშორისო აეროპორტი იმ აეროპორტების გვერდით მოხვდა, რომლებმაც მკვეთრი ზრდა განიცადეს. ყოველწლიურ ანგარიშში ნათქვამია, რომ 2023 წელს ქუთაისის აეროპორტში მგზავრთნაკადი პანდემიამდელ პერიოდთან შედარებით 91 %-ით გაიზარდა და ევროპის აეროპორტებს შორის მეოთხე ადგილი დაიკავა, რის შემდეგაც მცირე აეროპორტებიდან საშუალო აეროპორტების კატეგორიაში გადაინაცვლა. საუბარია ACI-ის  წევრ იმ აეროპორტებზე, რომლებიც წლიურად 1-დან 10 მლნ-მდე მგზავრს ემსახურებიან.

ინფორმაციას აეროპორტების გაერთიანება ავრცელებს. 

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა