2024-01-24 23:52:13, 953 ნახვა
მსოფლიო
დანია უკრაინის შეიარაღებული ძალების კიბერუსაფრთხოების გასაძლიერებლად 13 მლნ დოლარს გამოყოფს
დანია, უკრაინის შეიარაღებული ძალებისა და უკრაინის თავდაცვის სამინისტროს კიბერუსაფრთხოების გასაძლიერებლად, 91 მილიონ კრონას (13,26 მილიონ დოლარს) გამოყოფს. ამის შესახებ ინფორმაციას დანიის სამეფოს თავდაცვის სამინისტრო ავრცელებს.
თავდაცვის მინისტრმა, ტროელს ლუნდ პულსენმა აღნიშნა, რომ დონაცია არის მნიშვნელოვანი წვლილი უკრაინის კიბერთავდაცვის გაძლიერების გრძელვადიან მხარდაჭერაში.
"შეწირულობა ესტონეთ-ლუქსემბურგის ხელმძღვანელობით, IT კოალიციის ეგიდით უკრაინისთვის ხორციელდება, რომელსაც დანია სხვა ქვეყნებთან ერთად შეუერთდა", - ნათქვამია სამინისტროს განცხადებაში.
ავტორი: ექსპრესნიუსი,
epn.ge (@expressnews.ge)
