2024-01-15 21:58:03, 714 ნახვა
მსოფლიო
ბაქოში მომხდარი აფეთქების შედეგად დაღუპულთა რიცხვი გაიზარდა
ბაქოში მომხდარი აფეთქების შედეგად დაღუპულთა რიცხვი 6-მდე გაიზარდა, დაშავებულია 24 პირი. ამის შესახებ ინფორმაციას ადგილობრივი მედია ავრცელებს.
აზერბაიჯანის სახელმწიფო სახანძრო დაცვის სამსახურის უფროსის მოადგილის, რზა ხუდიევის თქმით, ხანძარი სრულად ლიკვიდირებულია და სახელოსნოს ტერიტორიაზე სამძებრო-სამაშველო სამუშაოები ამ დრომდე მიმდინარეობს.
ჯერჯერობით უცნობია თუ რა გახდა აფეთქების მიზეზი.
ცნობისთვის, აზერბაიჯანის დედაქალაქ ბაქოში, ბინაგადის რაიონში მდებარე ავეჯის სახელოსნოში აფეთქება დღეს, 15 იანვარს მოხდა.
ავტორი: ექსპრესნიუსი,
epn.ge (@expressnews.ge)
