2024-01-05 14:54:04, 1514 ნახვა
მსოფლიო
ჯოზეფ ბორელი ლიბანში ჩავა
ევროკავშირის უმაღლესი წარმომადგენელი ჯოზეფ ბორელი ლიბანში ჩავა. ამის შესახებ ინფორმაციას CNN ევროკავშირის განცხადებაზე დაყრდნობით ავრცელებს.
განცხადების თანახმად, ბორელი ლიბანში მიმდინარე კვირის ბოლომდე დარჩება და შეხვედრებს ქვეყნის პარლამენტის სპიკერთან, პრემიერ-მინისტრთან, საგარეო უწყების ხელმძღვანელსა და შეიარაღებული ძალების მეთაურთან გამართავს.
"მისია უკავშირდება ღაზასა და მის გარშემო არსებული სიტუაციის ყველა ასპექტის განხილვას, მათ შორის მის გავლენას რეგიონზე, განსაკუთრებით ისრაელ-ლიბანის საზღვარზე არსებული ვითარებას, ისევე, როგორც რეგიონული ესკალაციის თავიდან აცილების მნიშვნელობას",- ნათქვამია ევროკავშირის განცხადებაში.
ავტორი: ექსპრესნიუსი,
epn.ge (@expressnews.ge)
