2023-12-12 14:51:35, 1527 ნახვა
ომი უკრაინაში
რუსმა ოკუპანტებმა კუპიანსკი დაბომბეს - არის მსხვერპლი
რუსმა ოკუპანტებმა ხარკოვის ოლქის ქალაქი კუპიანსკი დაბომბეს. აღნიშნულის შესახებ ინფორმაციას ხარკოვის ოლქის სამხედრო ადმინისტრაციის ხელმძღვანელი ოლეგ სინეგუბოვი Telegram-ზე ავრცელებს.
სინეგუბოვის თქმით, თავდასხმის შედეგად დაშავდა ერთი და დაიღუპა ერთი ადამიანი.
"დღეს ქალაქ კუპიანსკში რუსული ძალების მხრიდან დაბომბვის შედეგად 73 წლის მშვიდობიანი მოქალაქე დაიღუპა. ამასთან, 79 წლის ადგილობრივი მცხოვრები დაშავდა. ის სამედიცინო დაწესებულებაში გადაიყვანეს", - წერს სინუბეგოვი.
მისივე თქმით, ოკუპანტების თავდასხმის შედეგად დაზიანდა საცხოვრებელი კორპუსებიც.
ავტორი: ექსპრესნიუსი,
epn.ge (@expressnews.ge)
