The Wall Street Journal-ის ინფორმაციით, ისრაელის თავდაცვის ძალები (IDF) "ჰამასის" გვირაბების დატბორვას გეგმავს.

როგორც ამერიკული გამოცემა წერს, ისრაელმა იძულებთ გადაადგილებული პირების ბანაკის, აშ-შატის ჩრდილოეთით, სულ მცირე, 5 სატუმბი სისტემა დაამონტაჟა.

WSJ-ის ცნობით, ათასობით კუბური მეტრი წყლის გვირაბებში გაშვების შემთხვევაში, მთელი ქსელის დატბორვა რამდენიმე კვირაში იქნება შესაძლებელი.

ჯერჯერობით უცნობია, გამოიყენებს თუ არა ისრაელი ამ მეთოდს, რადგან ღაზას სექტორში "ჰამასის" მიერ 7 ოქტომბერს მძევლად აყვანილი ადამიანები ჯერ კიდევ რჩებიან.

ისრაელის თავდაცვის ძალებმა აღნიშნულ საკითხზე კომენტარის გაკეთებაზე უარი განაცხადა, თუმცა ისრაელელმა სამხედროებმა აღნიშნეს, რომ "ისრაელის არმია მუშაობს, რათა გაანადგუროს "ჰამასის" ტერორისტული პოტენციალი და ამისთვის სხვადასხვა სამხედრო თუ ტექნოლოგიურ საშუალებებს იყენებს".

ავტორი: ექსპრესნიუსი,

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა