2023-11-08 09:12:19, 773 ნახვა
პოლიტიკა
ევროკომისია გაფართოების შესახებ ანგარიშს დღეს გამოაქვეყნებს
ევროკომისია დღეს, 8 ნოემბერს გაფართოების შესახებ ანგარიშს გამოაქვეყნებს.
ანგარიშში ევროკომისია შეაფასებს უკრაინის, მოლდოვისა და საქართველოს მიერ მიღწეულ შედეგებს ევროინტეგრაციის გზაზე.
აღსანიშნავია, რომ ანგარიშში ასევე განიხილება, საქართველოს მიერ 12 რეკომენდაციის შესრულებაც, რომლის საფუძველზეც ევროპულმა საბჭომ ქვეყნისთვის ევროკავშირის წევრობის კანდიდატის სტატუსის მინიჭების საკითხი უნდა გადაწყვიტოს.
შეგახსენებთ, რომ 2022 წლის ივნისში, ევროპულმა საბჭომ უკრაინასა და მოლდოვას კანდიდატის სტატუსი, საქართველოს კი, ევროპული პერსპექტივა მიანიჭა და კანდიდატის სტატუსის მისაღებად 12 პრიორიტეტი განუსაზღვრა.
ავტორი: ექსპრესნიუსი,
epn.ge (@expressnews.ge)
