ამერიკის შეერთებული შტატების სახელმწიფო მდივანი ენტონი ბლინკენი ისრაელის პრეზიდენტს, ისააკ ჰერცოგს შეხვდა. აღნიშნულის შესახებ ინფორმაციას CNN ავრცელებს.

ბლინკენის თქმით, ისრაელს აქვს უფლება, დაიცვას საკუთარი თავი, მაგრამ მნიშვნელოვანია, როგორ გააკეთებს ამას.

"ჩვენ მტკიცედ ვუჭერთ მხარს წინადადებას, რომ ისრაელს აქვს არა მხოლოდ უფლება, არამედ ვალდებულება, დაიცვას საკუთარი თავი და გააკეთოს ყველაფერი, რათა დარწმუნდეს, რომ 7 ოქტომბერი აღარასდროს განმეორდება. როდესაც საქმე მშვიდობიანი მოსახლეობის დაცვას ეხება, მნიშვნელოვანია, ამისთვის ყველაფერი გაკეთდეს", - განაცხადა ბლინკენმა.

CNN-ის ცნობით, ენტონი ბლინკენმა და ისააკ ჰერცოგმა შეხვედრის შემდეგ ასევე განაცხადეს, რომ "გამუდმებით ფიქრობენ" მძევლებზე, როგორც ისრაელისა და აშშ-ის, ასევე სხვა ქვეყნების მოქალაქეებზე.

ცნობისთვის, მას შემდეგ, რაც 7 ოქტომბერს, ტერორისტულმა დაჯუფება "ჰამასმა" ისრაელზე საჰაერო და სახმელეთო იერიშები წამოიწყო, ამერიკის შეერთებული შტატების სახელმწიფო მდივანი ენტონი ბლინკენი ისრაელს უკვე მესამედ ეწვია.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს