ჩემს მეგობარს, თანამებრძოლს და პატრიოტ ადამიანს - ანა წითლიძეს არაფერი დააკლდება სალავიოვ-სიმონიანის პროპაგანდისტი, რუსეთუმე ალუდას განცხადებით,- ასე გამოეხმაურა "ერთიანი ნაციონალური მოძრაობის" თავმჯდომარე ლევან ხაბეიშვილი "ქართული ოცნების" დეპუტატ ალუდა ღუდუშაურს, რომელმაც პარლამენტის პლენარულ სხდომაზე ენმ-ის წევრ ანა წითლიძეს "ბანძი ადამიანი" და "ფარჩაკი" უწოდა.

ხაბეიშვილის შეფასებით, ის, რაც საკანონმდებლო ორგანოში მოხდა, "უკიდურესად უღირსი, სამარცხვინო, მდაბიო და არაკაცური საქციელია".

"უკიდურესად უღირსი, სამარცხვინო, მდაბიო და არაკაცური საქციელია, თუმცა მიკვირს-თქო და არ ველოდი სამშობლოს გროშებზე გამყიდველებისგან-თქო, მოგატყუებთ. 

არანაირი ზღვარი, წითელი ხაზი, მორალური და ადამიანური ღირებულება არ არსებობს მათთვის. ამ ხალხს შეუძლია და აკეთებენ - ემსახურებიან პუტინის რუსეთს, ღალატობენ და ყიდიან სამშობლოს. 

ჩემს მეგობარს, თანამებრძოლს და პატრიოტ ადამიანს - ანა წითლიძეს არაფერი დააკლდება სალავიოვ-სიმონიანის პროპაგანდისტი, რუსეთუმე ალუდას განცხადებით. ძვირფასო ანი, ზუსტად ვიცი, ასეც მოიქცევი. 

გააგრძელე ის საქმე, რასაც აკეთებ, ემსახურე ქვეყანას, ხალხს და დარწმუნებული ვარ, საქართველოს მოსახლეობასთან ერთად გავიტანთ ამ რუსულ, ვადაგასულ პოლიტიკურ ნაგავს ქვეყნიდან, პარლამენტიდან",- წერს ლევან ხაბეიშვილი სოციალურ ქსელში.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას