მოუთმენლად ველი საქართველოს ხალხთან და საქართველოს ხელისუფლებასთან თანამშრომლობას ჩვენი ხანგრძლივი მეგობრობის უფრო მეტად გაღრმავებისა და ჩვენი სტრატეგიული პარტნიორობის შემდგომი გაძლიერების მიზნით, - ამის შესახებ საქართველოში აშშ-ის ახალმა ელჩმა, რობინ დანიგანმა განაცხადა.​

მისივე თქმით, ამერიკის შეერთებული შტატები და საქართველო ერთად დგანან და "ჩვენ უაღრესად მადლიერნი ვართ ამისთვის".

"მოუთმენლად ველი საქართველოს ხალხთან და საქართველოს ხელისუფლებასთან თანამშრომლობას ჩვენი ხანგრძლივი მეგობრობის უფრო მეტად გაღრმავებისა და ჩვენი სტრატეგიული პარტნიორობის შემდგომი გაძლიერების მიზნით. ვიცი, რომ საქართველოს ხელისუფლებასა და ხალხს სურს ინტეგრაციის გაღრმავება ევროკავშირთან, NATO-სთან და დასავლეთთან. პრეზიდენტ ბაიდენთან, მდივან ბლინკენთან ერთად მეც მხარს ვუჭერ ამ გზას. მჭიდროდ ვითანამშრომლებ საქართველოსთან ამ მიზნის მისაღწევად.

მოუთმენლად ველოდები ჩვენი ეკონომიკური და ხალხთაშორისი კავშირების გაღრმავებას, რაც ძალიან მნიშვნელოვანია. ასევე, მინდა, მადლობა გადავუხადო საქართველოს ისრაელის მტკიცე მხარდაჭერისთვის. მინდა, გავიმეორო ჩემი პრეზიდენტისა და სახელმწიფო მდივან ბლინკენის სამძიმარი ისრაელის ხალხის მიმართ. აშშ და საქართველო ერთად დგანან და ჩვენ უაღრესად მადლიერნი ვართ ამისთვის. ძალიან მოხარული ვარ საქართველოში ყოფნით და მადლობას გიხდით თბილი დახვედრისთვის", - განაცხადა რობინ დანიგანმა.

ავტორი: ექსპრესნიუსი,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა