ისრაელის უსაფრთხოების კაბინეტი ოფიციალურად ადასტურებს, რომ ისრაელი ომშია და ქვეყანას შეუძლია, "მნიშვნელოვანი სამხედრო მოქმედებები" განახორციელოს. აღნიშნულ ინფორმაციას ისრაელის მედია პრემიერ-მინისტრის ოფისზე დაყრდნობით ავრცელებს.

კაბინეტის განცხადებამდე, ომზე ისაუბრა პრემიერ-მინისტრმა, ბენიამინ ნეთანიაჰუმ, რომელმაც "ჰამასის" ისრაელის ტერიტორიაზე შეჭრის შემდეგ თქვა, რომ ქვეყანა ომშია.

ნეთანიაჰუს განცხადებას უსაფრთხოების კაბინეტის გადაწყვეტილება იურიდიულ საფუძველს აძლევს.

შეგახსენებთ, გუშინ, 7 ოქტომბერს ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. 

თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. 

იერიშის საპასუხოდ ისრაელის თავდაცვის სამინისტრომ საომარი მდგომარეობა გამოაცხადა და ოპერაცია, სახელწოდებით "რკინის ხმლები" დაიწყო.

ისრაელს ლიბანის ტერიტორიიდან ცეცხლი გაუხსნა "ჰეზბოლამაც", რასაც ქვეყანამ საარტილერიო იერიშით უპასუხა.

ბოლო მონაცემებით, ისრაელზე "ჰამასის" თავდასხმის შედეგად დაღუპულთა რიცხვმა 500-ს გადააჭარბა.

პალესტინის ჯანდაცვის სამინისტროს ინფორმაციით, ღაზას სექტორში ისრაელის საპასუხო შეტევას, სულ მცირე, 313 პალესტინელი ემსხვერპლა.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”