'რადიო თავისუფლების'' ბრიუსელის ბიუროს ჟურნალისტის, რიკარდ იოზვიაკის ინფორმაციით,  გაფართოების შესახებ ევროკომისიის ანგარიშები 31 ოქტომბერს გამოქვეყნდება.

აღნიშნულის შესახებ ინფორმაციას რიკარდ იოზვიაკი Twitter-ზე ავრცელებს.

"ბოლო შეფასებით, ევროკომისიის გაფართოების ანგარიშები 31 ოქტომბერს გამოქვეყნდება",- წერს იოზვიაკი.

შეგახსენებთ, რომ 15 სექტემბერს "ღია საზოგადოების ფონდის" ლიდერობით, 9 საზოგადოებრივმა ორგანიზაციამ მოამზადა რიგით 6 შეფასების დოკუმენტი - სტატუსმეტრი, რომელიც საქართველოს ხელისუფლების მიერ ევროკავშირის 12 პრიორიტეტის შესრულებასთან დაკავშირებით, 2023 წლის 20 ივნისიდან 15 სექტემბრამდე პერიოდში არსებულ მდგომარეობას ასახავს.

საზოგადოებრივი ორგანიზაციების წარმომადგენლების შეფასებით,12 რეკომენდაციიდან სრულად არის შესრულებული 1 პირობა; მეტწილად შესრულებულია 2; ნაწილობრივ შესრულებულია 7 და ჯერ კიდევ შესასრულებელია ევროკავშირის 2 პირობა (დეოლიგარქიზაცია და დეპოლარიზაცია).

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით