სავაჭრო შეზღუდვები 11 ჩინურ და 5 რუსულ კომპანიას უწესდება, რომლებიც რუსულ ჯარს თვითმფრინავების წარმოებისთვის საჭირო კომპონენტებს აწვდიდნენ. ამის შესახებ აშშ-ის ვაჭრობის დეპარტამენტში აცხადებენ. ინფორმაციას "როიტერი" ავრცელებს.

როგორც გამოცემა წერს, ცხრა კომპანია, კერძოდ, ჩინური Asia Pacific-ი, Links Ltd და რუსული SMT-iLogic-ი, სავარაუდოდ, მონაწილეობდნენ რუსეთის სპეციალური ტექნოლოგიების სანქცირებული ცენტრისთვის რუსული სამხედრო დაზვერვის თვითმფრინავების ნაწილების მიწოდების სქემაში.

შეერთებულმა შტატებმა დაადანაშაულა კიდევ ექვსი ჩინური კომპანია ირანის დრონების პროგრამის ნაწილების შესყიდვაში, რომლებსაც რუსული ძალები ასევე იყენებენ უკრაინაზე თავდასხმების განსახორციელებლად.

„ჩვენ არ მოგვერიდება სწრაფი და მნიშვნელოვანი ზომების მიღება მათ წინააღმდეგ, ვინც აგრძელებს პუტინის უკანონო და ამორალური ომის მხარდაჭერას უკრაინაში“, - განაცხადა აშშ-ის ვაჭრობის დეპარტამენტის ექსპორტის აღსრულების ოფისის დირექტორმა, ალან ესტევეზმა.

ავტორი: ექსპრესნიუსი,

სოციალური ქსელები

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა

Reuters: ტრამპმა ნატოს ლიდერებს განუცხადა, რომ აშშ ალიანსში დარჩენას აპირებს

თიბისი კაპიტალმა მაკროეკონომიკური განახლება გამოაქვეყნა

თიბისის მხარდაჭერით, ლაგოდეხი ბლუზის მე-10 საერთაშორისო ფესტივალს უმასპინძლებს