ამერიკის შეერთებული შტატების დახმარების ახალი პაკეტი ისტორიულია,- ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც სახელმწიფოს მეთაურმა ტრადიციულ ვიდეომიმართვაში აღნიშნა, ის, რაც აქამდე ფანტაზია იყო, რეალობად იქცა.

"არსებობს ამერიკის შეერთებული შტატების ისტორიული გადაწყვეტილება იარაღისა და თავდაცვის სისტემების ერთობლივი წარმოების, მათ შორის, საჰაერო თავდაცვის შესახებ. ეს ბოლო დრომდე აბსოლუტური ფანტაზია იყო, მაგრამ უკვე რეალობად ვაქცევთ...

მინდა განსაკუთრებული მადლობა გადავუხადო კანადის მთავრობას მზადყოფნისთვის, გამოყოს დაფინანსება ჰოლოდომორის მუზეუმის დასრულებისთვის. სიმბოლურია, რომ კანადა მხარს უჭერს უკრაინას ისტორიული მეხსიერების დაცვაში",- ამბობს ზელენსკი.

შეგახსენებთ, ამერიკის შეერთებული შტატები და უკრაინა იარაღის ერთობლივ წარმოებაზე შეთანხმდნენ. ამის შესახებ პრეზიდენტ ვოლოდიმირ ზელენსკის აშშ-ში ვიზიტის შემდეგ გახდა ცნობილი. უკრაინის პრეზიდენტი თეთრ სახლის შემდეგ კანადაშიც იმყოფებოდა, სადაც პრემიერ-მინისტრ ჯასტინ ტრუდოს შეხვდა.

ავტორი: ექსპრესნიუსი,

სოციალური ქსელები

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა