"საქართველოს ბანკი", როგორც მაღალი სოციალური პასუხისმგებლობის მქონე კერძო ფინანსური ინსტიტუტი, საინტერესო და ტრადიციული სპორტული ღონისძიებების მხარდაჭერას აგრძელებს. ბანკის მხარდაჭერით, 19 აგვისტოს, კურორტ ბახმაროში, ტრადიციული დოღი - „ბახმაროს თასი 2023“ გაიმართება. 

ბახმაროში დოღის ტრადიციას საფუძველი გასული საუკუნის 30-იან წლებში ჩაეყარა, სპორტული შეჯიბრი ყოველწლიურად 19 აგვისტოს იმართება.

ღონისძიებაზე ყოველწლიურად ათობით მხედარი მონაწილეობს სამეგრელოდან, აჭარიდან, გურიიდან და ქვეყნის სხვადასხვა რეგიონებიდან.

„მონაწილეებისთვის დოღში გამარჯვება ღირსების საკითხია. ღონისძიების მიზანია დოღის, როგორც სპორტის, პოპულარიზაცია საქართველოში და ბახმაროს კურორტის განვითარება. წელს ღონისძიება წყაროს წყალი „ბახმაროს", „ნაბეღლავისა" და ჩოხატაურის მუნიციპალიტეტის ორგანიზებითა გაიმართება, მთავარი მხარდამჭერი კი "საქართველოს ბანკია“,- განაცხადა ანა ბერიშვილმა, “სს წყალი მარგებლის” მარკეტინგის დეპარტამენტის ხელმძღვანელმა.

წელს ღონისძიების საპრიზო ფონდი 20.000 ლარს შეადგენს, რაც ბახმაროს დოღის ისტორიაში ყველაზე მასშტაბურია.  როგორც ღონისძიების მთავარი მხარდამჭერი, „ბახმაროს თასი 2023“ - ის  გამარჯვებულს მთავარ პრიზს "საქართველოს ბანკი" გადასცემს.

დოღში მონაწილეობისთვის რეგისტრაცია 18 აგვისტოს, 12 საათზე, ბახმაროში, დოღის სტარტთან გაიმართება. შეჯიბრება 19 აგვისტოს, 13:00 საათზე დაიწყება.

სპორტული შეჯიბრის ფარგლებში ოთხი გარბენი შედგება, რომელთა მანძილი 1.200, 1.200, 2.400 და 4.800 მეტრს შეადგენს.

I გარბენი - „გურიის თასი“

II გარბენი - გმირების თასი“

III გარბენი -  „ნაბეღლავის თასი“

IV გარბენი - “ბახმაროს თასი“ მარულა

ინფორმაციისთვის: ბახმარო გურიის მხარეში, ზღვის დონიდან 2 ათასი მეტრის სიმაღლეზე, სოჭითა და ნაძვით მდიდარ ქვაბულში მდებარეობს და ცნობილია თავისი უნიკალური სამკურნალო კლიმატით. კურორტ ბახმაროს 2019 წლის დასაწყისში დაბის სტატუსი მიენიჭა, ხოლო გაზაფხულზე – მაღალმთიანი დასახლების სტატუსი.

ავტორი: R (რეკლამა),

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება