აგრესორი ქვეყნის რუსეთის პრეზიდენტმა ვლადიმერ პუტინმა, რომელმაც უკრაინაში ომი წამოიწყო, ნატოს ქვეყნები მოგების მიზნით ახალი კონფლიქტების პროვოცირებაში დაადანაშაულა. უსაფრთხოების საერთაშორისო ფორუმზე საუბრისას პუტინმა ბრალი, როგორც მან უწოდა "უკრაინაში მიმდინარე კონფლიქტში" დასავლეთის სახელმწიფოებზე გადაიტანა.

 „რამდე მიგვიყვანს ცეცხლზე ნავთის დამატების პოლიტიკა, ნათლად ჩანს უკრაინის მაგალითზე. ნეონაცისტურ რეჟიმში მილიარდობით დოლარის გადაყრა, აღჭურვილობის, იარაღის, საბრძოლო მასალის მიწოდება, მისი გაგზავნა. სამხედრო მრჩევლები და დაქირავებულები, ყველაფერი კეთდება იმისთვის, რომ კონფლიქტი კიდევ უფრო გაღვივდეს, სხვა სახელმწიფოებიც ჩაერთონ მასში“. - აცხადებს აგრესორი ქვეყნის პრეზიდენტი პუტინი.

კონფერენციაზე ასევე ისაუბრა ჩინეთის თავდაცვის მინისტრმა ლი შანგფუმ, რომელიც ვიზიტით რუსეთში იმყოფება. ლიმ აღნიშნა ღია კომუნიკაციისა და უთანხმოების გადაჭრის მნიშვნელობა.

"იქნება ავღანეთი, სირია, კორეის ნახევარკუნძული, უკრაინა თუ ირანის ბირთვული საკითხი, ჩინეთი მზად არის ხელი შეუწყოს მშვიდობასა და მოლაპარაკებებს, ასევე უფრო დიდი საერთაშორისო კონსენსუსის შექმნას." - განაცხადა ლი შანგფუმ.

ჩინეთი კიდევ ერთხელ აცხადებს თავის ნეიტრალურ პოზიციას უკრაინის ომში, მაგრამ აშშ-ს და მის მოკავშირეებს რუსეთის პროვოცირებაში ადანაშაულებს. ამავდროულად, პეკინი ინარჩუნებს აქტიურ ეკონომიკურ, დიპლომატიურ და სავაჭრო ურთიერთობებს მოსკოვთან.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა