2023-07-21 17:44:28, 1357 ნახვა
მსოფლიო
23 ივლისს ალექსანდრ ლუკაშენკო ვლადიმერ პუტინს შეხვდება
23 ივლისს, ბელარუსის პრეზიდენტი ალექსანდრ ლუკაშენკო რუსეთის პრეზიდენტს, ვლადიმერ პუტინს შეხვდება. აღნიშნულის შესახებ ინფორმაციას ლუკაშენკოს პრესსამსახური ავრცელებს.
პრესსამსახურის ცნობით, შეხვედრა კრემლში გაიმართება.
"მხარეები განიხილავენ უსაფრთხოების საკითხებს, საერთაშორისო დღის წესრიგს, ეკომონიკურ ურთიერთობას, ალიანსის პროგრამების განხორციელებას, სანქციებისადმი წინააღმდეგობას და სხვა საკითხებს",- ნათქვამია პრესსამსახურის ინფორმაციაში.
შეგახსენებთ, მანამდე, 6 ივლისს, ბელარუსის პრეზიდენტმა განაცხადა, რომ უახლოეს მომავალში რუსეთის პრეზიდენტთან შეხვედრას გეგმავდა და შეხვედრაზე რუსულ კერძო სამხედრო კომპანია "ვაგნერთან" და მის ხელმძღვანელთან, ევგენი პრიგოჟინთან დაკავშირებულ საკითხებსაც განიხილავდა.
ავტორი: ექსპრესნიუსი,
epn.ge (@expressnews.ge)
