2023-07-07 14:59:51, 709 ნახვა
საზოგადოება
თერჯოლა-ზესტაფონის გზაზე, გაზგასამართ სადგურზე აფეთქება მოხდა - დაშავებულია ერთი ადამიანი
თერჯოლა-ზესტაფონის გზაზე, ერთ-ერთ გაზგასამართ სადგურზე თხევადი აირის ავზი აფეთქდა.
აღნიშნული ინფორმაცია "ექსპრესნიუსს" შსს-ს საგანგებო სიტუაციების მართვის სამსახურში დაუდასტურეს.
როგორც უწყებაში აცხადებენ, შემთხვევის შედეგად მსუბუქად დაშავდა ხელოსანი, რომელიც ავზს სარემონტო სამუშაოებს უტარებდა.
უწყების ცნობითვე, ხანძარი ლიკვიდირებულია.
რაც შეეხება დაშავებულ პირს, ის სამედიცინო დაწესებულებაშია გადაყვანილი.
"ექსპრესნიუსს" შინაგან საქმეთა სამინისტროში უთხრეს, რომ მომხდართან დაკავშირებით გამოძიება დაიწყო სსსკ-ის 240 -ე მუხლით, რაც გაზის ობიექტზე უსაფრთხოების წესის დარღვევას გულისხმობს.
ავტორი: ექსპრესნიუსი,
epn.ge (@expressnews.ge)
