გარემოს დაცვისა და სოფლის მეურნეობის სამინისტროში მაცივარაგენტების იმპორტიორებთან სამუშაო შეხვედრა გაიმართა. იმპორტიორებს, შესაბამისი უწყებების წარმომადგენლებმა, მაცივარაგენტებით ვაჭრობასთან დაკავშირებული  საკანონმდებლო ცვლილებები გააცნეს.  აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათი ცნობით, შეხვედრას გარემოს დაცვისა და სოფლის მეურნეობის სამინისტროს ატმოსფერული ჰაერის სამმართველოს და გარემოსდაცვითი ზედამხედველობის დეპარტამენტის წარმომადგენლები, საქართველოს სამაცივრო და კრიოგენული ტექნიკისა და ჰაერის კონდიციონერების ინჟინერთა ასოციაციის წარმომადგენლები, მაცივარაგენტების იმპორტიორები და ტექნიკოსები ესწრებოდნენ.

„აღსანიშნავია, რომ 16 ივნისს საქართველო პარლამენტმა მიიღო საკანონმდებლო ცვლილებები, რომელიც ითვალისწინებს ოზონდამშლელი ნივთიერებებისა და სხვა საერთაშორისოდ რეგულირებული გლობალური დათბობის მაღალი პოტენციალის მქონე მაცივარაგენტების მართვის სისტემის გაუმჯობესებას.

განახლებული კანონმდებლობა აწესებს ახალ მოთხოვნებს მაცივარაგენტების მართვაში ჩართული პირებისთვის, მათ შორის, მაცივარაგენტების იმპორტიორებისთვის. კერძოდ, დაინერგება კიგალის ცვლილებით გათვალისწინებული ნივთიერებების - ჰიდროფტორნახშირბადების იმპორტის კვოტირების და სანებართვო სისტემა; ასევე,  მაცივარაგენტების მართვის ელექტრონული სისტემა (ჟურნალი), რომლიც ჩაანაცვლებს აღრიცხვა-ანგარიშგების არსებულ სახეებს.

საქართველო სულ მალე შეუერთდება მონრეალის ოქმის კიგალის ცვლილებას, რომელიც წარმოადგენს საერთაშორისო ძალისხმევას გლობალური დათბობის მაღალი პოტენციალის მქონე ნივთიერებების მოხმარების შესამცირებლად“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს