გაერომ რუსეთი 2022 წელს უკრაინაში 136 ბავშვის მკვლელობისთვის „შავ სიაში“ შეიყვანა. აღნიშნულის შესახებ ინფორმაციას Reuters-ი გაეროს უშიშროების საბჭოს ანგარიშზე დაყრდნობით ავრცელებს.

ანგარიშის თანახმად, გაეროს გენერალურმა მდივანმა, ანტონიო გუტერეშმა რუსეთის აღნიშნული ქმედება დაგმო.

„რუსეთის შეიარაღებულმა ძალებმა და მასთან დაკავშირებულმა ჯგუფებმა დაასახიჩრეს 518 ბავშვი და განახორციელეს 480 თავდასხმა სკოლებსა და საავადმყოფოებზე. მათ ასევე 91 ბავშვი ცოცხალ ფარად გამოიყენეს“,- აღნიშნულია გაეროს ანგარიშში.

გარდა ამისა, ანგარიშში ასევე დაადასტურებულია, რომ უკრაინის შეიარაღებულმა ძალებმა მოკლეს 80 ბავშვი, დაასახიჩრეს 175 ბავშვი და განახორციელეს 212 თავდასხმა სკოლებსა და საავადმყოფოებზე, თუმცა უკრაინის შეიარაღებული ძალები არ არიან დამნაშავეთა მსოფლიო სიაში.

Reuters-ის ცნობით, გუტერეშმა თავის მოხსენებაში თქვა, რომ „განსაკუთრებით შოკირებულია“ მოკლული და დასახიჩრებული ბავშვების დიდი რაოდენობით და რუსეთის შეიარაღებული ძალების სკოლებსა და საავადმყოფოებზე თავდასხმებით.

გამოცემის ცნობითვე, ანგარიშის ავტორია გაეროს გენერალური მდივნის, ანტონიო გუტერეშის სპეციალური წარმომადგენელი ბავშვთა და შეიარაღებული კონფლიქტების საკითხებში ვირჯინია გამბა.

ავტორი: ექსპრესნიუსი,

სოციალური ქსელები

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა

მერცის განცხადებით, გერმანიამ Tomahawk-ის რაკეტების შესყიდვის შესახებ აშშ-სთან შეთანხმებას მიაღწია