2023-05-24 16:34:49, 918 ნახვა
საზოგადოება
სოფელ გლდანში, გამარჯვების ქუჩაზე საგზაო სამუშაოები მიმდინარეობს
გლდანის რაიონის გამგეობა საგზაო ინფრასტრუქტურის მოწესრიგებას განაგრძობს - ამჯერად, სოფელ გლდანში, გამარჯვების ქუჩის კეთილმოწყობა მიმდინარეობს. აღნიშნულ ინფორმაციას გლდანის რაიონის გამგეობა ავრცელებს.
გამგეობის ცნობით, სამუშაოების შედეგად, სანიაღვრე ქსელი, დაახლოებით, 150 გრძივ მეტრზე ეწყობა. 1 710 კვადრატულ მეტრამდე ფართობზე კი, ასფალტის საფარი დაიგება.
"აღნიშნული სამუშაოებისთვის გამგეობის ბიუჯეტიდან დაახლოებით, 250 000 ლარი დაიხარჯება.
გლდანის რაიონის გამგებლის მოვალეობის შემსრულებელი ბესიკ კალაძე ადგილზე მიმდინარე სამუშაო პროცესს გაეცნო",- ნათქვამია გამგეობის ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
